About Us

Oriental Mindoro Electric Cooperative, Inc. (ORMECO, Inc.) is a non-stock, non-profit and service-oriented rural Electric Cooperative, duly organized under existing Philippine laws, rules and regulation.

Our Mission

To provide our member-consumers with quality electric service at affordable rates.

Our Vision

A dynamic and competitive Electric Cooperative in service delivery for member-consumers satisfaction with utilization of renewable energy.

Announcement

Power Advisory

Burial Assistance Claimants

Power Interruption Schedule

Comparative Rates

Breakdown of Generation Charge

News and Events

279 Smart Meters, Pilot-Tested on big Commercial Loads

Sa isang panayam ng 𝐏𝐨𝐥𝐚 𝐍𝐞𝐰𝐬 𝐍𝐞𝐭𝐰𝐨𝐫𝐤 ngayong Miyerkules, Ika-6 ng Mayo 2026, ibinahagi ni 𝐎𝐑𝐌𝐄𝐂𝐎 𝐆𝐞𝐧𝐞𝐫𝐚𝐥 𝐌𝐚𝐧𝐚𝐠𝐞𝐫 𝐄𝐧𝐠𝐫. 𝐇𝐮𝐦𝐩𝐡𝐫𝐞𝐲 𝐀. 𝐃𝐨𝐥𝐨𝐫 ang mga hamon sa pagpapatupad ng 𝐬𝐦𝐚𝐫𝐭 𝐦𝐞𝐭𝐞𝐫𝐢𝐧𝐠 𝐬𝐲𝐬𝐭𝐞𝐦 sa probinsya.

Bilang mandato ng DOE, ERC, at NEA, inatasan na ang ORMECO at iba pang electric cooperatives na magsimulang mag-migrate mula sa legacy patungo sa smart metering system.

Ayon kay GM Dolor, ang smart metering ay isang modernong sistema kung saan hindi na kailangang basahin pa ng meter reader ang bawat sambahayan buwan-buwan — awtomatiko na itong nagpapadala ng datos sa main office. Nakakatulong din ito sa pagwawasto ng ilang uri ng iligal na koneksyon, gayundin sa mas tumpak na pagbabasa ng metro na nagbabawas ng system loss.

Dagdag pa niya, mapanghamon ang pagpapatupad nito sapagkat hindi lang basta pagpapalit ng metro ang kailangan. Bukod sa smart meter mismo, kailangang mag-install ng WiFi signal at communication facility para maipaabot ang datos mula sa metro patungo sa main office ng kooperatiba. Nagkakahalaga ng ₱8,000 hanggang ₱14,000 ang bawat unit, at sa daan-daang metro na kailangang palitan, malaking halaga ang kabuuang gastos na kakaharapin ng kooperatiba.

Sa kasalukuyan, 𝟐𝟕𝟗 𝐬𝐦𝐚𝐫𝐭 𝐦𝐞𝐭𝐞𝐫𝐬 na ang naka-pilot testing sa ORMECO, una sa malalaking komersyal na subscriber. Matagal at mapanghamon ang bagong mandatong ito.

𝐈𝐩𝐢𝐧𝐚𝐤𝐢𝐥𝐚𝐥𝐚 𝐧𝐠 𝐦𝐠𝐚 𝐦𝐚𝐠-𝐚𝐚𝐫𝐚𝐥 𝐦𝐮𝐥𝐚 𝐬𝐚 𝐌𝐢𝐧𝐬𝐔 𝐚𝐧𝐠 “𝐎𝐑𝐌𝐄𝐂𝐨𝐧𝐧𝐞𝐜𝐭” 𝐂𝐚𝐩𝐬𝐭𝐨𝐧𝐞 𝐏𝐫𝐨𝐣𝐞𝐜𝐭 𝐩𝐚𝐫𝐚 𝐬𝐚 𝐎𝐑𝐌𝐄𝐂𝐎

Muling ipinamalas ng mga mag-aaral mula sa 𝐌𝐢𝐧𝐝𝐨𝐫𝐨 𝐒𝐭𝐚𝐭𝐞 𝐔𝐧𝐢𝐯𝐞𝐫𝐬𝐢𝐭𝐲 (𝐌𝐢𝐧𝐬𝐔), 𝐂𝐚𝐥𝐚𝐩𝐚𝐧 𝐂𝐚𝐦𝐩𝐮𝐬 ang kanilang husay sa larangan ng teknolohiya sa pamamagitan ng isang makabagong 𝐜𝐚𝐩𝐬𝐭𝐨𝐧𝐞 𝐩𝐫𝐨𝐣𝐞𝐜𝐭 na naglalayong makatulong sa pagpapahusay ng serbisyo ng 𝐎𝐫𝐢𝐞𝐧𝐭𝐚𝐥 𝐌𝐢𝐧𝐝𝐨𝐫𝐨 𝐄𝐥𝐞𝐜𝐭𝐫𝐢𝐜 𝐂𝐨𝐨𝐩𝐞𝐫𝐚𝐭𝐢𝐯𝐞, 𝐈𝐧𝐜. (𝐎𝐑𝐌𝐄𝐂𝐎, 𝐈𝐧𝐜.).

Kabilang sa mga third-year Bachelor of Science in Information Technology students na bumuo ng nasabing proyekto sina Marc Jimbell M. Cabatay, Monica C. Bacay, at Neil M. Arguelles, na lumikha ng sistemang pinamagatang “𝐎𝐑𝐌𝐄𝐂𝐨𝐧𝐧𝐞𝐜𝐭: 𝐀 𝐒𝐦𝐚𝐫𝐭 𝐐𝐑-𝐁𝐚𝐬𝐞𝐝 𝐌𝐞𝐦𝐛𝐞𝐫𝐬𝐡𝐢𝐩 𝐀𝐩𝐩 𝐰𝐢𝐭𝐡 𝐁𝐢𝐥𝐥𝐢𝐧𝐠 𝐄𝐬𝐭𝐢𝐦𝐚𝐭𝐢𝐨𝐧 𝐚𝐧𝐝 𝐒𝐞𝐫𝐯𝐢𝐜𝐞 𝐑𝐞𝐩𝐨𝐫𝐭𝐢𝐧𝐠 𝐟𝐨𝐫 𝐎𝐑𝐌𝐄𝐂𝐎, 𝐈𝐧𝐜.”

Ayon sa mga estudyante, idinisenyo ang naturang sistema upang magsilbing tulay sa pagitan ng ORMECO at ng mga member-consumer-owners (MCOs). Layunin nitong mapadali ang pag-access ng mga konsyumer sa mahahalagang serbisyo, kabilang ang mga anunsyo, incident reports, aplikasyon para sa mga benepisyo, iskedyul ng mga seminar, gayundin ang pagtingin sa kanilang historical records at billing information.

Pinili ng mga naturang estudyante ang ORMECO bilang kanilang capstone client bilang bahagi ng kanilang layunin na makapag-ambag ng mga makabagong solusyon tungo sa higit na episyente at mabilis na paghahatid ng serbisyo publiko.

Ayon kay 𝐆𝐞𝐧𝐞𝐫𝐚𝐥 𝐌𝐚𝐧𝐚𝐠𝐞𝐫 𝐇𝐮𝐦𝐩𝐡𝐫𝐞𝐲 𝐃𝐨𝐥𝐨𝐫, bukas ang pamunuan ng ORMECO sa mga inobasyon at pakikipagtulungan mula sa kabataan at mga institusyong pang-akademiko na naglalayong higit pang mapahusay ang serbisyong ipinagkakaloob sa mga konsyumer.

Sa pamamagitan ng naturang inisyatiba, inaasahang lalo pang mapatatag ang ugnayan sa pagitan ng ORMECO at ng mga konsyumer nito, sa tulong ng makabagong teknolohiya.

𝐎𝐑𝐌𝐄𝐂𝐎, 𝐍𝐚𝐠𝐤𝐚𝐥𝐨𝐨𝐛 𝐧𝐠 𝐁𝐮𝐫𝐢𝐚𝐥 𝐀𝐬𝐬𝐢𝐬𝐭𝐚𝐧𝐜𝐞 𝐬𝐚 𝟕𝟔 𝐧𝐚 𝐁𝐞𝐧𝐞𝐩𝐢𝐬𝐲𝐚𝐫𝐲𝐨!

4 Mayo 2026, Namahagi ang Oriental Mindoro Electric Cooperative, Inc. (ORMECO, Inc.) ng tig-₱5,000 burial assistance sa 76 na benepisyaryo ng mga yumaong Member-Consumer-Owners (MCOs). Ang inisyatibong ito, na pinondohan mula sa revolving fund ng kooperatiba, ay naglalayong magbigay ng agarang tulong pinansyal sa mga pamilyang nagluluksa.

Ayon kay General Manager Engr. Humphrey A. Dolor, prayoridad ng kaniyang administrasyon ang mabilis na paglalabas ng mga benepisyong ito sa kabila ng mga hamong pinansyal. Ang programa ay pormal na pinagtibay noong 2015 (AGMA Resolution No. 15-02). Kasabay nito, binigyang-diin ng pamunuan ang kahalagahan ng transparency sa pag-uulat ng tunay na estado ng kooperatiba upang matiyak na tapat at tama ang impormasyong nakakarating sa mga kasapi.

Nagpaabot din ng mensahe ng pagbati si Direktor Roberto ‘Bobby’ Macalalad, ang Presidente ng Hunta Direktiba mula sa Distrito III (Naujan at Victoria). Sa kaniyang pahayag, nagbahagi rin siya ng mga mahahalagang impormasyon hinggil sa operasyon ng ORMECO.

Huwag kalimutang i-follow ang ORMECO Facebook page para sa mga susunod na update sa Burial Assistance. Kung kasama kayo sa susunod na batch, direktang makikipag-ugnayan ang kooperatiba sa inyo gamit ang text o tawag.

Upang malaman kung paano mag-apply ng Burial Assistance, i-click lamang ang link na ito:

https://ormeco-inc.com/requirements-for-burial…/

ORMECO, NAKIISA SA JOINT CABLE BUNDLING OPERATION NG LUNGSOD NG CALAPAN

Nakiisa ang Oriental Mindoro Electric Cooperative, Inc. (ORMECO) sa joint cable bundling operation na inilunsad ng City Engineering and Public Works Department ng Calapan City, kasama ang City Environment and Natural Resources Department, Public Safety Department, at ang Office of the City Mayor noong ika-23 ng Abril 2026.

Ang operasyong ito ay isinagawa sa Calapan J.P Rizal Street, bilang bahagi ng patuloy na urban development initiative ng lungsod na naglalayong linisin at ayusin ang mga overhead wires at cables sa Central Business District.

Aktibong lumahok ang ORMECO sa joint operation, na nagpapakita ng pangako ng kooperatiba sa pakikipagtulungan sa pamahalaan para sa kapakanan ng publiko.

“𝐇𝐢𝐧𝐝𝐢 𝐤𝐚𝐦𝐢 𝐧𝐚𝐠𝐭𝐚𝐭𝐚𝐚𝐬 𝐝𝐚𝐡𝐢𝐥 (𝐍𝐀𝐍𝐆) 𝐤𝐚𝐦𝐢 𝐥𝐚𝐧𝐠 𝐚𝐧𝐠 𝐦𝐚𝐲 𝐠𝐮𝐬𝐭𝐨” — 𝐆𝐌 𝐃𝐨𝐥𝐨𝐫

Tahasang sinagot ni Oriental Mindoro Electric Cooperative, Inc. (ORMECO, Inc.) General Manager Engr. Humphrey A. Dolor ang mga katanungan ng mga mamamahayag hinggil sa singil sa kuryente, suplay ng enerhiya, at paglaganap ng iligal na koneksyon sa lalawigan sa isinagawang 𝐊𝐚𝐩𝐢𝐡𝐚𝐧 𝐬𝐚 𝐁𝐚𝐠𝐨𝐧𝐠 𝐏𝐢𝐥𝐢𝐩𝐢𝐧𝐚𝐬 𝐧𝐠 𝐏𝐡𝐢𝐥𝐢𝐩𝐩𝐢𝐧𝐞 𝐈𝐧𝐟𝐨𝐫𝐦𝐚𝐭𝐢𝐨𝐧 𝐀𝐠𝐞𝐧𝐜𝐲 (𝐏𝐈𝐀) noong Abril 16.

Sa gitna ng mga pangamba ng publiko ukol sa pagtaas ng singil sa kuryente, nilinaw ni GM Dolor na ang mga 𝐩𝐚𝐠𝐛𝐚𝐛𝐚𝐠𝐨 𝐬𝐚 𝐬𝐢𝐧𝐠𝐢𝐥 sa kuryente ay dumaraan sa pagsusuri at pag-apruba ng 𝐄𝐧𝐞𝐫𝐠𝐲 𝐑𝐞𝐠𝐮𝐥𝐚𝐭𝐨𝐫𝐲 𝐂𝐨𝐦𝐦𝐢𝐬𝐬𝐢𝐨𝐧 (𝐄𝐑𝐂). Binigyang-diin niyang ang kooperatiba ay tagapaghatid lamang ng serbisyo, habang ang mga ipinapatupad na singil ay nakabatay sa halaga ng suplay mula sa mga power supplier at sa umiiral na mga regulasyon. Ipinaliwanag din niya na ang pagtaas ng konsumo ng kuryente ay isa sa mga salik na nakaaapekto sa pagtaas ng taripa, sapagkat habang lumalaki ang pangangailangan sa enerhiya, tumataas din ang halaga ng suplay na kinukuha mula sa mga supplier upang matugunan ang demand ng mga miyembro kunsomidores.

Tinalakay rin ni GM Dolor ang patuloy na paglaganap ng 𝐚𝐧𝐭𝐢-𝐩𝐢𝐥𝐟𝐞𝐫𝐚𝐠𝐞 𝐨 𝐩𝐚𝐠𝐧𝐚𝐧𝐚𝐤𝐚𝐰 𝐧𝐠 𝐤𝐮𝐫𝐲𝐞𝐧𝐭𝐞, na aniya’y may malaking epekto sa operasyon ng kooperatiba at sa kalidad ng serbisyong naipagkakaloob sa mga lehitimong konsyumer. Aniya, ang mga iligal na koneksyon ay paglabag sa 𝐑𝐞𝐩𝐮𝐛𝐥𝐢𝐜 𝐀𝐜𝐭 𝐍𝐨. 𝟕𝟖𝟑𝟐, 𝐨 𝐀𝐧𝐭𝐢-𝐄𝐥𝐞𝐜𝐭𝐫𝐢𝐜𝐢𝐭𝐲 𝐚𝐧𝐝 𝐄𝐥𝐞𝐜𝐭𝐫𝐢𝐜 𝐓𝐫𝐚𝐧𝐬𝐦𝐢𝐬𝐬𝐢𝐨𝐧 𝐋𝐢𝐧𝐞𝐬/𝐌𝐚𝐭𝐞𝐫𝐢𝐚𝐥𝐬 𝐏𝐢𝐥𝐟𝐞𝐫𝐚𝐠𝐞 𝐀𝐜𝐭 𝐨𝐟 𝟏𝟗𝟗𝟒. Sa kasalukuyan, may 𝐥𝐢𝐦𝐚𝐧𝐠 𝐤𝐚𝐬𝐨nang naihain ang ORMECO, habang mahigit 𝟏𝟎𝟎 𝐤𝐨𝐧𝐬𝐲𝐮𝐦𝐞𝐫 na ang nahuli sa paglabag.

Dahil dito, muling pinaalalahanan ng pamunuan ng ORMECO ang publiko na makiisa sa kampanya laban sa pagnanakaw ng kuryente upang mapangalagaan ang maayos at matatag na daloy ng serbisyo para sa lahat ng mga consumer-member-owners.

Hinikayat din ni GM Dolor ang mga mamimili na maging masinop at wais sa paggamit ng kuryente, lalo na sa panahong mataas ang pangangailangan sa enerhiya sa buong bansa. Aniya, ang responsableng paggamit ng kuryente ay mahalagang hakbang upang makatulong sa pagpapanatili ng sapat na suplay at maiwasan ang labis na pagtaas ng konsumo.

Bilang suporta sa paggamit ng renewable energy, ibinahagi rin ni GM Dolor na 𝐬𝐮𝐩𝐨𝐫𝐭𝐚𝐝𝐨 𝐚𝐭 𝐭𝐢𝐧𝐚𝐭𝐚𝐧𝐠𝐤𝐢𝐥𝐢𝐤 𝐧𝐠 𝐎𝐑𝐌𝐄𝐂𝐎 ang paggamit ng 𝐬𝐨𝐥𝐚𝐫 𝐞𝐧𝐞𝐫𝐠𝐲, kasabay ng isinasagawang pagtatayo ng 𝐒𝐨𝐥𝐚𝐫 𝐏𝐨𝐰𝐞𝐫 𝐏𝐥𝐚𝐧𝐭 𝐬𝐚 𝐛𝐚𝐲𝐚𝐧 𝐧𝐠 𝐁𝐚𝐧𝐬𝐮𝐝, na inaasahang mapapatakbo sa taong 2027.

Sa pamamagitan ng mga hakbang na ito, pinagtitibay ng ORMECO ang layunin nitong maihatid ang maaasahan, sapat, at matatag na serbisyo ng kuryente sa lalawigan, kasabay ng pagsusulong ng pananagutan at pakikilahok ng publiko sa pangangalaga ng sistema ng elektripikasyon.

𝐁𝐚𝐠𝐨𝐧𝐠 𝐎𝐑𝐌𝐄𝐂𝐎 𝐒𝐮𝐛-𝐎𝐟𝐟𝐢𝐜𝐞, 𝐈𝐭𝐚𝐭𝐚𝐲𝐨 𝐬𝐚 𝐍𝐚𝐮𝐣𝐚𝐧!

Pinalawak na ng ORMECO ang opisina nito sa bayan ng Naujan sa pamamagitan ng planong maglagay ng bagong sub-office sa Barangay Evangelista bilang bahagi ng patuloy na pagsisikap na mapalapit ang serbisyo sa mga Member-Consumer-Owners (MCO’s).

Bumisita sina Board President Roberto Macalalad at General Manager Humphrey Dolor sa opisina ng Punong bayan Hon.Henry Teves at Pangalawang Punong Bayan Hon. Dan J. Melgar, Jr. upang talakayin ang itatayong sub-office, na magiging sentro ng collection at maintenance operations sa lugar. Sa pamamagitan nito, mas magiging mabilis ang pagtugon ng mga lineman sa mga report ng mga residente sa kanilang area.

Bukod sa bagong sub-office sa Barangay Evangelista, patuloy na nananatili ang kasalukuyang opisina ng ORMECO sa District 3, Barangay Pinagsabangan II, na nagsisilbi sa mga nakapaligid na komunidad.

“Magkatulungan po tayo,” ani GM Dolor, habang ipinahayag niya ang buong paghandang tumulong sa munisipalidad sa anumang paraan na magagawa ng kooperatiba. Bukas namang tinanggap ni Bise Alkalde Melgar ang mungkahi, na nagpakita ng positibong tugon sa pakikipagtulungan ng LGU at ORMECO.

Sa pagbubukas ng bagong sub-office sa Barangay Evangelista, inaasahang mapapakinabangan ng mga residente ng Naujan ang mas malapit at mas mabilis na serbisyo — mula sa pagbabayad ng kuryente hanggang sa agarang pagtugon ng maintenance team sa anumang pangangailangan sa lugar.

Facebook Feed

ORMECO, INC.️ 6 hours ago

PATALASTAS SA PUBLIKO: UPDATE SA LINE ENERGIZATION Sa ating mga minamahal na Member-Consumer-Owners (MCOs), 11:48 kaninang tanghali (June 14, 2026), matagumpay na pong na-energize at naibalik ang kuryente sa linya mula Bulbugan hanggang Maragooc, Gloria. Kasabay ng mabilisang aksyon ng ating line crews, nais po namin ibahagi ang naging sanhi ng glitch na ito para sa kaalaman ng lahat. Ano ang Dahilan ng Trip-off? Ayon sa pagsusuri ng ating linemen, isang ibon (Asian Glossy Starling o Galansiyang) ang dumapo sa ating overhead distribution pole. Makikita ang mga sensitibong electrical components tulad ng fuse cutout at lightning arrester, kung saan nang madikit ang ibon sa live wire at sa grounded na bahagi ng pasilidad, nagkaroon ito ng short circuit. Bilang proteksyon ng sistema, awtomatikong nag-trip o namatay ang linya upang maiwasan ang mas malaking pinsala sa mga transformer at upang maiwasan ang sunog. Humihingi po kami ng paumanhin sa abalang naidulot nito. Ang mga ganitong wildlife intrusion ay patuloy nating ginagawan ng solusyon. Kasalukuyan na po nating pinaplano ang paglalagay ng mga wildlife guards at insulated covers sa mga kritikal na pasilidad upang maiwasan ang ganitong mga aksidente. Muli, maraming salamat po sa inyong pasensya at patuloy na pag-unawa! Para sa mga report o emergency, maaari po kayong mag-mensahe rito sa ating opisyal na pahina: https://www.facebook.com/share/p/1D6hxExVwj/?mibextid=wwXIfr

Photo

ORMECO, INC.️ 17 hours ago

Patuloy na Line Clearing at Pagsasaayos ng Secondary Line! Mga Minamahal na Member-Consumer-Owners (MCOs), Isang mainit at mapagpalang araw sa inyong lahat! 🌤️ Hayaan po ninyo kaming ihatid sa inyo ang puso ng ating operasyon. ⚙️🔧 Ang pagbibigay ng de-kalidad, ligtas, at tuloy-tuloy na kuryente ay hindi lamang isang tungkulin—ito ay isang panata na seryosong pinapasan ng bawat kawani ng ORMECO. Nitong nakaraang June 07, 2026, rumesponde at naglunsad ang ating mga linemen at maintenance crew 👷 ng isang malawakang clearing activity sa District 3 (Naujan and Victoria) Coverage Area sa Sitio 5, Kalinisan, Naujan. Tingnan kung paano ang malalagong sanga ng puno ay direktang nakasayad at nakapulupot na sa ating mga linya ng kuryente. ⚠️ Ito ang pangunahing sanhi ng mga hindi inaasahang brownout kapag humahangin o umuulan. Sa pamamagitan ng maingat na pagputol ng mga delikadong sanga—tinatanggal natin ang banta bago pa man ito magdulot ng abala sa inyong mga tahanan. Makikita ang ating mga linemen na buong-tapang na umaakyat sa mga poste upang ayusin at palakasin ang ating mga secondary line para masiguro na stable ang boltaheng pumapasok sa inyong mga appliances. Humihingi po kami ng inyong patuloy na pag-unawa kapag kinakailangan natin ng panandaliang scheduled interruption para sa kanilang kaligtasan habang nagtatrabaho. 📝Kung may napapansin po kayong mga mapanganib na sanga malapit sa ating mga linya, mangyaring i-report agad ito sa aming tanggapan. Asahan po ninyo na ang ORMECO ay hindi titigil sa paghahanap ng mga paraan upang mapaganda ang ating serbisyo. 💡 Patuloy tayong kikilos nang may sigasig, talino, at malasakit para sa buong Oriental Mindoro! Mabuhay ang mga Member-Consumer-Owners! https://www.facebook.com/share/p/1bnWvYCxuF/

Photo

ORMECO, INC.️ 18 hours ago

Ligtas na Linya, Iwas-Aberya sa Calero, Calapan City! ⚡🌲 Isang maunlad na araw sa ating mga Member-Consumer-Owners (MCOs)! Nitong Sabado, Hunyo 13, 2026, matagumpay na isinagawa ang isang masigasig na Line Clearing Activity sa bahagi ng Calero, Calapan City upang masiguro ang tuluy-tuloy at ligtas na daloy ng kuryente sa mga tahanang nasasakupan. Ang operasyong ito ay pinangunahan ng ating maaasahang Foreman na si G. Jonathan Dimaano, kasama ang mga linemen ng District 2 at Technical Services Department. Katuwang din natin ang CDRRMO ng LGU Calapan City na umalalay sa seguridad at kaligtasan ng komunidad habang isinasagawa ang clearing. Tunay na bayanihan ito! Bakit ito mahalaga para sa inyong pamilya? 🧑‍🧑‍🧒‍🧒 Gaya ng nakasaad sa ating Scheduled Interruption advisory, kinailangan natin ng panandaliang power interruption mula 6:00 AM hanggang 8:00 AM upang bigyang-daan ang ligtas na pagtatrabaho ng ating grupo sa So. Osmeña Drive, Samaco St., Quezon Drive St., Holy Infant Academy, at Cathedral Church. Narito ang mga naging aksyon: Gamit ang boom truck, tinabasan ang mga sanga ng punong mangga na nakasayad na sa ating distribution lines, kasama ang makapal na luntiang mga sanga na nakapulupot sa mga wire. 🪚🧑‍🔧 Sa pag-alis ng mga ito, pinuputol natin ang mitsa ng mga short circuit at biglaang brownout, lalo na kapag dumarating ang masamang panahon. Ang layunin natin ay malinaw—iwasan ang aberya at protektahan ang ating mga pasilidad para sa inyong kapakanan. Maraming salamat sa inyong pag-unawa at kooperasyon sa dalawang oras na interruption na ito. Dahil dito, mas matatag at mas ligtas na ang ating grid sa Calero! Mabuhay ang ating mga manggawang dagitab, at patuloy tayong magkaisa para sa liwanag ng ating lungsod! https://www.facebook.com/share/p/18pd3nrX6T/

Photo

ORMECO, Inc. Senior Citizen Discount

Paalala para sa ating mga Lolo at Lola!

Kasama po sa layunin ng ORMECO ang magbigay ng kagaangan sa ating mga katuwang sa buhay. Alinsunod sa batas, maaari pong makakuha ng discount sa inyong monthly electric bill ang mga kwalipikadong Senior Citizens.

Sinu-sino ang pwedeng mag-apply?

• Mga Senior Citizens na ang konsumo ay hindi hihigit sa 100 kWh bawat buwan.

• Ang account ay dapat nakapangalan sa Senior Citizen.

Huwag kalimutang dalhin ang inyong Senior Citizen ID at iba pang dokumento sa pinakamalapit na ORMECO office para sa inyong aplikasyon. Mahalaga po ang bawat bawas sa singil!

ORMECO, Inc. Call Center as a Service

Call Center as a Service (CCAAS)

Sa pamamagitan ng Call Center as a Service (CCAAS), mas mabilis at mas organisado na ang pagtugon ng ORMECO sa inyong mga katanungan at concern. Mas pinahusay na serbisyo, para sa mas maagap na aksyon.

ORMECO, Inc. Gcash Payment

GCash Payment

Bayaran na ang inyong kuryente nang hindi na lumalabas ng bahay — madali at mabilis sa pamamagitan ng GCash.

R.A 7832 "ANTI-PILFIRAGE"

Anti-Pilferage (RA 7832)

Ang pagnanakaw ng kuryente ay may karampatang parusa. Alamin ang inyong mga responsibilidad sa ilalim ng RA 7832.